ڕۆژا سێشەمبی ڕێـکـکــەڤتی (٢٠٢٥/٧/٨) ب ئامادەبوونا ڕێزدار (پ.د. دیار عبدالکریم سعید) سەرۆکێ زانکۆیێ و لگەلدا بەرێزان (پ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی و (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و (پ.د. ستار جبار حاجی) ڕاگرێ کۆلیژا پەروەردە، زانکۆیا زاخۆ ب مەرەما بوراندنا بهێنڤەدانا هاڤینێ ب چاڵاکیێن وەرزشی مێهڤانداریا زارۆکێن بێــسەمیان یێن سەنتەرێ (صالح) ل باژێرێ زاخۆ کرن.
هەژیە بێژین؛ ئەڤ چاڵاکیە ژلایێ بەشێ چاڵاکییێن وەرزشی و هونەری ب هەماهەنگی لگەل پشکا پەروەردا جەستەیی و زانستێن وەرزشی ل کۆلیژا پەروەردە - زانکۆیا زاخۆ، هاتیە بەرهەڤکرن. تێدا بۆ دەمێ دو هەیڤان زارۆک دێ خۆلەکا پڕی یاریێن وەرزشی و ڕاهێنانێن جەستەیی ب شێوازەکێ، کۆ ل دویڤ ژیێ وان بگونجیت وەرگرن، هەروەسا دەمێن کەیف و خۆشیێ لگەل مامۆستایێن خۆلێ دێ بورینن، ژ نێزیک دێ تێکەلی ژینگەها زانکۆیێ و گورەپانێن یاریان بن.
بۆ زانین: خۆل ژ ڕێــککـــەڤتی (٢٠٢٥/٧/٦) هەتا (٢٠٢٥/٩/١) دێ یا بەردەوام بیت.